Eagle LNG ta firma cu WEB
Como presidente di San Nicolas Business Asociation, Andy Hernandez ta mira e desaroyo rond di e acuerdo di Eagle LNG y WEB Aruba NG, algo cu no mester pensa hopi.
Na prome instante e asociacion di negoshante di San Nicolas a haya un impresion debi cu nan a kere cu lo a uza un tereno pabao di WEB pa nan establece e proyecto, cual no a cay den bon tera cerca nan.
Sinembargo a haya clarificacion cu esaki lo bay den cura di e refineria na San Nicolas.
Hernandez a comenta di ta mirando un etapa di construccion no solamente p’e luga, pero tambe e liña cu mester bin nobo. Ta papiando di uza un nos hendenan cu tin experiencia riba esaki na Aruba. Ta hende cu a traha pa hopi aña den refineria, cu lo tin awo un chens un biaha mas durante di un etapa di construccion.
E lo bay ta mas di un of dos aña unda cu lo trece un poco mas di economia pa e parti pariba di brug.
Segun Hernandez particularmente e board ta di acuerdo cu esaki ta un balor agrega y lo bira un otro catalisator pa San Nicolas.
Mester corda cu tin e hotel den construccion. Diamars a presenta un otro dos hotel cu ya caba ta practicamente eynan.
Hernandez ta agrega cu finalmente ta mirando un luz n’e tunnel y San Nicolas lo ta na un comienso di un cambio positivo cu tur ta bringando p’e pa varios aña y Danki Dios nunca a baha e warda, sino a sigui traha pa purba di yega na loke finalmente ta pasando aworaki.